Posteri elektoral i kryebashkiakut të Dibrës. Foto: Facebook
Xhelili u arrestua të hënën pasi një televizion vendës publikoi javën e kaluar një video u Xhelili, u shfaq duke kërkuar seks nga një 20 vjeçare që qe punësuar së fundmi nga bashkia.
Në emisionin ‘Te Paekspozuarit’ në Ora News, Xhelili u filmua nga një kamera e fshehtë në zyrën e tij në Peshkopi duke i kërkuar vajzës seks në shkëmbim të promovimit dhe rritjes së pagës.
Publikimi i videos të enjten e shkuar shkaktoi semërim të gjerë dhe një protestë nga gratë e Aleancës Kuq e Zi para zyrës së Shërbimit Kombëtar të Punës në Tiranë të dielën.
Xhelili raportohet se u shkarkua nga detyra nga Këshilli i Ministrave ndërsa Gjykata e Krimeve të Rënda urdhëroi arrestimin e tij për abuzim me detyrën.
Organizata për të drejtat e grave Aleanca Gjinore për Zhvillim nisi edhe një peticion duke kërkuar masa më të ashpra ligjore për të luftuar ngacmimet seksuale në punë.
Kryebashkiaku i Dibrës përfaqësonte në këtë detyrë Partinë Socialiste, megjithëse anëtarë të koalicionit qeveritar e distancuan veten nga kjo sjellje dhe kërkuan menjëherë shkarkimin e tij.
Bashkëshortja e tij Tefta Xhelili tha se ajo do ta mbështeste bashkëshortin e saj dhe spekuloi se ekspozimi i tij qe i motivuar politikisht.
“Në qendër të këtij sulmi nuk qe familja ime por bashkia e Dibrës,” tha ajo për Top Channel të hënën.
Kushtetuta i jep kryebashkiakut 15 ditë kohë për të apeluar vendimin e shkarkimit të tij. Nuk është e qartë nëse ai ka në plan të apelojë.
