Eduart Kapri
Eduart Kapri lindi më 9 Maj 1970. Ai është i martuar zj. Jerina Kapri (Hoxhallari), babai i tre fëmijëve. Në vitin 1998 përfundoi studimet e mesme në Shkollën e Mesme Profesionale Tregtare në qytetin e Vlorës. Në vitin 1992 u diplomua në Degën e Financave Fakulteti Ekonomik, pranë Universitetit të Tiranës.
Në vitin 2007 u kualifikua nga Instituti i Kontabilistëve të Miratuar, mbi “Standartet Kombëtare të Kontabilitetit”. Përdorues shumë i mirë i disa programeve kompjuterike dhe njohës shumë i mirë i gjermanishtes dhe italishtes.
Gjatë viteteve 1992 e deri në 1993 ai ka qenë shef llogarie në Ndërmarrjen e Ndërtimit të Pogradecit. Nga viti 1998-2002 ka qenë administrator i një sipërmarrjeje në sektorin privat. Më pas përgjegjës i qendrës ekonomike pranë Qendrës Arsimore Rajonale Pogradec. Nga viti 2004 e në vazhdim ka qenë Administrator i kompanisë Real 2 me seli në Pogradec që operon në sektorin e importit dhe tregtimit të duhanit.
Që nga viti 2015 e tej ai operon në sektorin e ndërtimit si aksioner në një prej kompanive më prestigjioze të ndërtimit në qytet. Prej vitit 2011 ka qenë anëtar i Këshillit Bashkiak Pogradec.
