Kompania fituese e regjistruar në Holandë, “Integrated Energy B.V” zotërohet nga kompania shqiptare “Integrated Technology Services”, e cila është njëherazi edhe aksionere në impiantin e ngjashëm të Fierit si dhe dy kompanitë italiane “Paul Wurth Italia S.P.A” dhe “Energy Recuperator S.P.A”.

Pjesë të tëra të rrugës Durrës-Kukës janë ende të papërfunduara dhe të rrezikshme, por prej dhjetorit kompania që mori në koncesion mirëmbajtjen e saj do të ketë gati vendpagesat, ndërsa qytetarët e Kukësit i tremben izolimit të qytetit që edhe kështu është një ndër më të varfrit në vend.

Tabelat me emrat e rrugëve në Tiranë janë instaluar shpesh në vende të padukshme për syrin si ballkone shtëpish, mure të larta, skuta lagjesh ose në raste të tjera janë të dëmtuara apo të mbuluara prej mbingarkesës së reklamave të bizneseve.

Një kitarrë e përdour për 22 vjet në burgjet e diktaturës ka qenë të dielën protagoniste e koncertit me temë “Në kërkim të muzikës së humbur”, që u organizua në Durrës në kuadër të Bienales “Netët e Muzikës Klasike”.

Kryetari i Entit Rregullator të Ujit Ndriçim Shani i tha BIRN se megjithëse kërkesa e UKT shkel rregulloret e këtij enti, ai ka ndër mend “të bëjë tolerancë” dhe të shqyrtojë dosjen në shkelje të rregulloreve që vetë ERRU ka aktualisht në fuqi.

Përfaqësues të Partisë Socialiste dhe Lëvizjs Sociliste për Integrim kanë shkëmbyer akuza të ndërsjellta pas kërcënimit të kryebashkiakut të Bulqizës për shkarkimin e disa punonjësve të njësisë vendore Gjoricë, që sipas tij i kërkonin banorëve votën në këmbim të ndihmës ekonomike.

Policia e Shkodrës fajëson rrugët pa sinjalistikë për shumicën e aksidenteve të rënda që ndodhin në qark, ndërsa nënvizon se edhe debatet mediatike të krijuara nga viktimat e rrugës nuk kanë përbërë mjaftueshëm shtysë që autoritetet të ndërhyjnë mbi infrastrukturën e amortizuar. 

Ndërsa puna për ndërtimin e dy HEC-eve të Dragobisë dhe Çeremit në Luginën e Valbonës vazhdon, fotot më të fundit nga parku kombëtar tregojnë pasojat që kanë ato “në zemrën blu” të Alpeve Shqiptare.

Në një seri mbresëlënëse fotosh nga sheshi i porsa inaguruar në Tiranë, fotoreporterja Loreta Cuka sjell një “jetë të re” dhe një destinacion në dukje argëtues të qendrës së kryeqytetit përballë varfërisë në Shqipëri.

Përfaqësuesit ligjorë të shoqërisë civile që kërkojnë anullimin e projektit dhe mbrojtjen e zonës, janë përballë 13 palëve ndërgjyqëse që përfaqësojnë agjenci të ndryshme shtetërore, ndërsa shohin me shqetësim se çështja shtyhet ndërsa punimet për projektin vazhdojnë.