Shpërthimi i gazit në pusin 7, që menaxhohet nga koncesionari Albchrome ka bllokuar të paktën tre minatorë në thellësinë 1500 metra, ndërsa tre të tjerë u plagosën lehtë. Aksidenti i dytë në minierat e vendit në 10 ditë.

Plot dy muaj pasi projekti “Veliera” në Durrës ka nisur nga zbatimi,  Bashkia e Durrësit nënshkroi një kontratë për monitorimin e punimeve nga Instituti i Arkeologjisë dhe Agjencinë e Shpëtimit Arkeologjik, por ndërkohë shumica e punimeve nëntokësore për projektin e kushtueshëm kanë përfunduar.

Kryeministri thotë se ka qëllim të implementojë recetën elektronike në të gjithë vendin pas pilotimit në Durrës, por pensionistët në qytetin bregdetar ankohen se ky zhvillim nuk i jep zgjidhje cilësisë së ilaçeve dhe radhë të gjata në dyert e specialistëve.

Disa javë përpara se të ndahej nga jeta, biblotekari dhe studiuesi Willy Kamsi rrëfeu në një bisedë për BIRN përpjekjet e tij për të shpëtuar një sërë antikuaresh e koleksione librash, një pasuri që i mbetet Biblotekës së Universitetit të Shkodrës.

Jeta në tre breza e familjeve të migruara gjatë dy dekadave të fundit në periferi të Tiranës, një pjesë e mirë e të cilave mbartin ende rregullat e vjetra fisnore të krahinave të origjinës për dasma, vdekje dhe bashkëjetesën me fqinjët.  

Tetë banorë të zonës së Shkodrës, të prekur nga përmbytjet e viteve 2010-2011, u futën të mërkurën në një grevë urie për të protestuar mungesën e dëmshpërblimeve nga qeveria për dëmet e pësuara.

Tre vëllezër nga Belshi kanë bashkuar forcat me një sipërmarrës italian, për të sjellë në Dumre traditën e mbjelljes së bimës së shafranit, një nga erëzat më të shtrenjta në botë.

Vetëm 10 për qind e grave dhe vajzave që ofrojnë punë në shtëpi, nga pastrimi te kujdesi për të moshuarit, janë të regjistruara në Durrës, ndërsa qindra të tjera punojnë në të zezë dhe në varësi të njohjeve.

Të enjten reshjet e dëborës zbardhën Beratin, duke zbritur në qytet dëborën që prej javësh mbulonte Tomorrin dhe Shpiragun. Këto janë imazhet e fiksuara nga objektivi i gazetares Erjola Azizolli.

Reshjet e dëborës, të rikthyera gjatë 24 orëve të fundit kanë mbuluar gjithë vendin. Fshatra të tëra, në Veri të Shqipërisë, janë të bllokuara. Akset nacionale janë të kalueshme por përdorimi i zinxhirëve është i detyrueshëm. Shumë qytete vuajnë mungesën e ujit të pijshëm dhe e energjisë elektrike. Gjatë ditës së premte kanë vijuar operacionit e Shtabit të Emergjencave, ku helikopterë të Ministrisë së Mbrojtjes kanë dërguar ndihma ushqimore, televizorë, frigoriferë, dyshekë dhe batanije në Bashkinë Tropojë dhe në fshatin Tërnovë e Vogël, Njësia Administrative Zerqan Bashkia Bulqizë. Fotot: Lindita Çela